عتقووووووو

البنات الله يخليكم فسرولي هادشي واشنو ندير
البارح علمت براسي بحالا كنت في شي مسرح وزعما فيه طواليت التحت وانا نهبط ليها وجا شي حد سد عليا وبقيت نغوت وهيا تجي تحل عليا امراة لابسة البيض وشعرها كحل وضير بيها الضو قلت ليها شكون نتي قالت لي انا عيشة الحمدوشية ياك شحال من مرة قلت ليك جي زوريني وميخصك خير لي بغيتي نديرها ليك غي زوريني
وفايت ليا حلمت بيها شحال من مرة وكنحلم براسي كنمشي لسيدي علي بن حمدوش وكنقول لدارنا الى مزرتش غادي طرا ليا شي حاجة

يكون خير احبيبة سيري زوري ماعرفتي الخير فين

منصحكش تزوري ديري الرقية الشرعية ولا غدخلي فمتاهات اخرى
متخليش الشيطان يجرك لطريق الشرك ديري الرقية وطلبي الله وقولي فنفسك انا معاكم بالله وبالشرع

وبصح كيف قالت طنجاوية حسن بلاش واعتصمي بالله وبعدي من داكشي

كيف قالو البنات ديك الطريق كلها شوك ومتاعب وماتقديش عليهم كل عام كتزاد طلباتهم حتى تولي مسلوبة الإيرادة تولي ملكا لهم اللهم يابنت الناس حصني راسك وكوني من حملات القرآن وربي معاك