منتديــــــــــــــــات بنـــــــــــــات عيشـــــــــــــــــة 2013

موسوعة الامثال الشعبية المغربية ...

استعرض الموضوع السابق استعرض الموضوع التالي اذهب الى الأسفل

موسوعة الامثال الشعبية المغربية ...

مُساهمة من طرف mohera في الأربعاء يونيو 20, 2012 3:22 am

حبيباتي كل من دخل لهاد الركن يكتب ما يعرفه من امثال بلدنا الحبيب ...


[ندعوك للتسجيل في المنتدى أو التعريف بنفسك لمعاينة هذه الصورة]


*اش تدير في قليل الشي لا ولى عندو شي او ما بقاش يعرف يمشي
*اللهم العمش ولا العمى
*لي دار راسو في النخالة ينقبو الدجاج
*غير بركم وانا نفهم
الحر بالغمزة والعبد بالدبزة
*دير ما دار جارك ولا رحل من حداه
*الجمل ماكيشوفش حدبته كيشوف غر حدبة الناس
*وقتما جا الخير ينفع
*شكيت ليه على العكر قالي كيدايرين الدراري
*الجديد ليه الجدة والبالي لا تفرط فيه
*اللي فرط يكرط
*الضيف ما يتشرط و مول الدار ما يفرط
*مايدخل بين اللحم والظفر غير الوسخ
*يخلف الله على الدومة ما يخلف على لي حشها
*الحرام يجي بسبيبة ولا مشى يقطع السلاسل

avatar
mohera
مشرفة
مشرفة

عدد المساهمات : 738
تاريخ التسجيل : 28/05/2012

الرجوع الى أعلى الصفحة اذهب الى الأسفل

رد: موسوعة الامثال الشعبية المغربية ...

مُساهمة من طرف reina. في الأربعاء يونيو 20, 2012 4:21 am

صباااح الخير مهيرة I love you I love you
مئة تخميمة و تخميمة ولا ضربة بالمقص
ضرب لحديد محدو سخون
لفياق بكري بذهب مشري
الفار المقلق من سعد المش
اللي كيربي ولاد الناس بحال اللي كيدق الما فالمهراز
الله ينجيك من المشتاق يلا فاق
مول لتاج كيحتاج
العروسة فوق الكرسي معرفوها فين ترسي
بني وعلي وسير أو خلي
الدجاجة غسلت رجليها و نسات لي داز عليها
ضربة بدمها ولا كلمة بسمها

_________________
[ندعوك للتسجيل في المنتدى أو التعريف بنفسك لمعاينة هذا الرابط]
avatar
reina.
مشرفة
مشرفة

عدد المساهمات : 446
تاريخ التسجيل : 24/05/2012

الرجوع الى أعلى الصفحة اذهب الى الأسفل

رد: موسوعة الامثال الشعبية المغربية ...

مُساهمة من طرف الزعرية الحرة في الأربعاء يونيو 20, 2012 5:12 am

قالوا زمان :
اللي بغا يكبر شانو يحرث مع قرانو
درتيها ايدي تودي
درجة بدرجة حتى يحن مول الرجا
زين المراة ف ضياها وزين العاتق ف حياها
مراة المنحوس ما هي مطلق ما هي عروس
حلفت العروسة ما تحب الحماه حتى تبياض الفحمة ! !
لا عجوزة تفلق ولا راجل يطلق
الى شفتي موكة خطابة عرف بلارج عريس
الى درتيها ف الرجالة ترجاها والى درتيها ف النسا لا تنساها ! !
حديث النسا يونس ويعلم الفهامة
يعملوا من الريح قلادة و يحلقوا لك بلا ما! !
راح ديك الزمان وناسه وجا هذ الزمان بفاسه
الي يتكلم بالحق يهرسو له راسه
وريه وريه ولى عما سير وخليه
الفقيه اللي ترجينا بركته دخل الجامع بلغته
الناس ف الناس و القرع ف مشيط الراس
العين صعيبة تتقتل الكسيبة وتخوي الزريبة
لهلا يسلطها على الحبيب و الحبيبة
لو كان الصفيحة ترد العار كن رداتو عل الحمار
اللي زيانت ايامه تيشير بكمامه
دابا كلينا وشربنا ونسينا الحرابل باش سعينا
دخانهم عمانا وطعامهم ما جانا
المدبوحة تتضحك عل المسلوخة واللي مقطعة طراف قالت لهم ديوني نشوف
avatar
الزعرية الحرة
مشرفة
مشرفة

عدد المساهمات : 508
تاريخ التسجيل : 22/05/2012

الرجوع الى أعلى الصفحة اذهب الى الأسفل

رد: موسوعة الامثال الشعبية المغربية ...

مُساهمة من طرف الزعرية الحرة في الأربعاء يونيو 20, 2012 5:22 am

اللي قالك لا تقولو و اللي سولك لا تعطيه خبار.
يلى شفتيهم دورو علينا عرف حاجتهم فينا.
اللي زرع الشوك تيحير فاحصادو.
اطلع تاكل الباكور انزل شكون قالهالك.
العمش فدار لعمى بعينيه.
اللي تيتسحر مع الدراري كيصبح فاطر.
حاول على حميرك تحج عليه.
اللي فاتك خليه لبناتك.
اللي عضو الحنش كيخاف من الحبل.
خدم يا التاعس لناعس.
نوضوها تشطح دارتها بصح.
اتاي لعشية خير من بقرة مشوية.
حسابتني كرمة وفيها الكرموص سعا هي خربة و فيها الناموس.
الي ما عندو هم كتولدو لو حمارتو.
يد في الطبق و عين على من زهق.
تعلمو يا الحجاما فروس ليتاما.
بحال الي تيسعى بولدو على كتفو هو تيقول انت على الله و ولده تيقول الله يجيب.
جبنا القرع ينوسنا عرى راسو و هوسنا.
دابزو يا الفيران على خميرة الجيران.
الزواج و الموت هم لا يفوت.
المراة الحرة ما تاكل غير من يد زوجها.
الراجل بدراعو ماشي بمتاعو.
اللي حبك حبو و لقلبك زوجو و اللي جفاك جفيه و تعداه و دوزو.
تهجالت لعناية و لا زواج الدل.
خود بنت قرابة و لا تاخد بنت غرابة.
يا الطامع في الزيادة رد بالك من النقصان.
ابنادم دربو على حلقو ينسى اللي خلقو.
ولد ولدك زوين ما تعدمشي اللي يبوسو.
ادعاوي بارشاوي.
عيطت على ديالي جاني عيطت على ديال الناس مشى و خلاني.
اللي كثرو همومو كثرو اعجوبو.
يلا بغيتي اتوحش صاحبك سلفو.
اللي درقك ابخيط درقو بحيط.
تيدور الزرع حتى كيدور وكيرجع لعين الرحى.
يلا امشا الزين كيبقاو حروفه ويلا امشا المال كيبقاو خروقه.
الخير كيجلس والهم كيكمش.
الغربة كتلوح حتى لبلاد الشلوح.
ما يحس بالمزود غير اللي واكل بيه.
اللي دارها بيديه يفكها بسنيه.
ما بين اللقمة و الفم تيريد ويحكم.
الضحك كيفصخ البيع.
اللي حبك ما بنالك قصر واللي كرهك ما حفرلك قبر.
اللي تيكون اناني تيبقى وحداني.
اللي اربحتيه تاكله و الدين باش تخلصو ؟
اللي ما جابتو المحبة ما تجيبو الحزارة.
اللحية مكترفد اللحية غير لقبر.
اليد اللي طعمتنا الحلال تيكونو ناسها قلال.
خليني نبلع ريقي حتى نعرف عدوي من صديقي.
اللي ربط حمارو مع الحمير كيتعلم الشهيق و النهيق و الخروج على الطريق.
اش يقدك من الصلاة يا البايت بلا اعشى.
ما ينفع غير الصحيح اما الراشي كايديه الريح.
مول البنات ما يبات هاني.
ازرب تعطل.
لو كان الخير فيا ما يتزوج راجلي عليا.
كان راجلي واصبحت انعشقو.
يعيى من يعطي وما يعيى من يشد.
اللي حبابو عريانين عمرو ما يتكسى.
ملي كطيح البقرة تيقواو السكاكن.
اللي احشم فما ضرو الشيطان غرو.
لو كان الخوخ يداوي لو كان داوى راسو.
الله يجيب اللي يفهمنا ولا يعطنشاي.
هاك ابوه رجليه جابوه.
حتى يخلاق عاد نسميوه عبد الرزاق.
الله يعطينا شي نقرة فين يغبر نحاسنا.
حتى قط مكيهرب من دار العرس.
الصنعة يلا ما غنات كتستر واقيلة كتزيد فلعمر.
اشعند الميت ما يدير قدام غسالو.
شحال ما طال الليل كيصبح النهار.
جلسة احسن من وكلة.
نقا على نقا ما تيورد شقا.
كول بشهوتك و لبس بشهوت الناس.
قالو اشمتك قالو اعرفتك.
شد تصيب ما اتحل.
اللي احفر شي حفرة كيطيح فيها.
اللي ما لقى الخير فركانو يكون الخير فلسانو.
ما دير خير ما يطر باس.
شطارت الكوزينة كتشري مدينة .
حاسبني حساب عدوك و جلسني بلاصت خوك.
دهن شواربك بالسمن و دوز على عدوك مصبن.
اللي ماجي لعندك لا تمشي عنده.
اللي اتخدمو طيعو و اللي اترهنو بيعو.
كن اسبع و كولني.
يلا شفتيها بسعدها عرفها مكملا من عندها.
ما تشري حتى تقلب و ما تصاحب حتى تجرب.
امدح صاحبك قدام الناس و لوح صحبك الراس فالراس.
العراضة سنة و العاقل ما كيدنى.
حج و حاجة و قضيان حاجة.
يلا فاتك الكلام قول اسمعت ويلا فاتك الطعام قول اشبعت.
كل غيبة كتزيد هيبة.
عز الخيل مرابطها.
العز والنصر والسكنة فلقصر.
الموت بالردم ولا معاشرت لخدم.
سوق النسا سوق مطيار يا الداخلو رد بالك يوريوك من الربح قنطار وياكلولك راس مالك.
حالتي حالت النافخ العافية على قلبو و الطيقان فجنبو.
ملي تنحتاجك يا وجهي كيخبشوك لقطوط.
الجوع و النوع و البكا بلا دموع.
عمرو ما احبى وملي احبى طاح فلبير.
رضينا بالهم والهم ما رضا بينا درناه عند راسنا صبح عند رجلينا.
الحنة حرشة و الحناية عمشة و العروسة فيها بو تفتاف.
محيلي المكتوب وانا انتوب.
حسدو العمى على عكازو.
عاند ولا تحسد.
السفيه ما كينطق غي بلي فيه.
ودن صمة و الاخرى فيها الماء.
اللي ما شاف من عين الغربال اعمى.
غرزة زايدة فيا و هم لعرى فايت فيا.
القرع بفلوسو ارى ديك الراس نبوسو.
ادفع ما في الجيب يجيب الله ما في الغيب
avatar
الزعرية الحرة
مشرفة
مشرفة

عدد المساهمات : 508
تاريخ التسجيل : 22/05/2012

الرجوع الى أعلى الصفحة اذهب الى الأسفل

رد: موسوعة الامثال الشعبية المغربية ...

مُساهمة من طرف مريامتي1980 في الأربعاء يونيو 20, 2012 9:41 am

واحد لمثل شويا قبيح سمحو ليا ولكن حر
مزود لبرآوات ولا جواج للخراوات
اعزكم الله

مريامتي1980
مشرفة
مشرفة

عدد المساهمات : 390
تاريخ التسجيل : 22/05/2012
العمر : 36

الرجوع الى أعلى الصفحة اذهب الى الأسفل

رد: موسوعة الامثال الشعبية المغربية ...

مُساهمة من طرف الفيروزة في الأربعاء يونيو 20, 2012 9:53 am

أبّا مسوق و أمّي تجيب الخبار
ابّا رزّوق ما يخطى حتى سوق
البّات يربّي و الأم تخبّي
اللي مشى كبيرو الهم تدبيرو
avatar
الفيروزة
مشرفة
مشرفة

عدد المساهمات : 1305
تاريخ التسجيل : 24/05/2012

الرجوع الى أعلى الصفحة اذهب الى الأسفل

رد: موسوعة الامثال الشعبية المغربية ...

مُساهمة من طرف الفيروزة في الأربعاء يونيو 20, 2012 9:54 am

كاين اللي عندو جوابو في فمو ,وكاين اللي داسو في كمو ,وكاين اللي حتى يشاور مو.
avatar
الفيروزة
مشرفة
مشرفة

عدد المساهمات : 1305
تاريخ التسجيل : 24/05/2012

الرجوع الى أعلى الصفحة اذهب الى الأسفل

رد: موسوعة الامثال الشعبية المغربية ...

مُساهمة من طرف الفيروزة في الأربعاء يونيو 20, 2012 9:55 am

الرجال تتلاقى و الجبال ما تلاقى
الرجال تكسب و الشمايت تحسب
الراجل اللي ما يوفي بكلمتو وسط الرجال تطيح همتو
avatar
الفيروزة
مشرفة
مشرفة

عدد المساهمات : 1305
تاريخ التسجيل : 24/05/2012

الرجوع الى أعلى الصفحة اذهب الى الأسفل

رد: موسوعة الامثال الشعبية المغربية ...

مُساهمة من طرف الفيروزة في الأربعاء يونيو 20, 2012 9:56 am

لا تكبر الشان للي ماعندو قيمة..... يحسب روحو فلان وهو غير بهيمة
avatar
الفيروزة
مشرفة
مشرفة

عدد المساهمات : 1305
تاريخ التسجيل : 24/05/2012

الرجوع الى أعلى الصفحة اذهب الى الأسفل

رد: موسوعة الامثال الشعبية المغربية ...

مُساهمة من طرف الفيروزة في الأربعاء يونيو 20, 2012 9:56 am

كذب اللوز و صدق المشماش و كذب الشيب و صدق التكماش


دير الهوم فالشبكة شي يطيح شي يبقى

زين الوجه يزول وزين لعقل يطول ولي خاف زينو يذبال يسقيه بالمعقول

الحنة حرشة و الحناية عمشة و العروسة فيها بوقفقاف
الحنة مازال ف ظفارها و الخطاب جابوا خبارها
آش خصك يا القنة غير الكحل و الحناء
ديري حنينة يا المعيفينة
الحناني و القلب الهاني
avatar
الفيروزة
مشرفة
مشرفة

عدد المساهمات : 1305
تاريخ التسجيل : 24/05/2012

الرجوع الى أعلى الصفحة اذهب الى الأسفل

رد: موسوعة الامثال الشعبية المغربية ...

مُساهمة من طرف الفيروزة في الأربعاء يونيو 20, 2012 9:59 am

..حب لقهاوي و الجرادي ,حسابو ما نا ضي

قافزة و مجبدة . والحب ردها مبلدة

دواووا فيها الشخوص .وتعاين حبيب مخصوص

حب العدو تبعدو .وكره الحبيب تقربو

مصدعنا بالمحبوبة .ولقيناها معطوبة

ما تمرمد قلبك ف مقلوبة . مرة مشغولة مرة مزروبة

يبقى ليجيبو الهوى ,ويمشي لتجيبو الشهوا

حب عرجة . وما تحب ثلجة

باتت محبوبه . وصبحات مزغوبة

طريق العقل تخرج . وطريق القلب تعوج
avatar
الفيروزة
مشرفة
مشرفة

عدد المساهمات : 1305
تاريخ التسجيل : 24/05/2012

الرجوع الى أعلى الصفحة اذهب الى الأسفل

رد: موسوعة الامثال الشعبية المغربية ...

مُساهمة من طرف الزعرية الحرة في الخميس يونيو 21, 2012 1:06 am

الفيروزة كتب:كاين اللي عندو جوابو في فمو ,وكاين اللي داسو في كمو ,وكاين اللي حتى يشاور مو.


هدا راجلي افيروزة هههههه
avatar
الزعرية الحرة
مشرفة
مشرفة

عدد المساهمات : 508
تاريخ التسجيل : 22/05/2012

الرجوع الى أعلى الصفحة اذهب الى الأسفل

رد: موسوعة الامثال الشعبية المغربية ...

مُساهمة من طرف الفيروزة في الخميس يونيو 21, 2012 9:06 am

وصيك يا واكل الراس في البير ارم عظامه

اضحك والعب مع الناس فمك متن له لجامه
avatar
الفيروزة
مشرفة
مشرفة

عدد المساهمات : 1305
تاريخ التسجيل : 24/05/2012

الرجوع الى أعلى الصفحة اذهب الى الأسفل

رد: موسوعة الامثال الشعبية المغربية ...

مُساهمة من طرف الفيروزة في الخميس يونيو 21, 2012 9:07 am

الخيل واقفة و الحمير تتبورد

ما تقطع الواد حتى تبان حجارو وما تمشي في الليل حتى يطلع نهارو وما تصحب صديق حتى تعرف خبارو
avatar
الفيروزة
مشرفة
مشرفة

عدد المساهمات : 1305
تاريخ التسجيل : 24/05/2012

الرجوع الى أعلى الصفحة اذهب الى الأسفل

رد: موسوعة الامثال الشعبية المغربية ...

مُساهمة من طرف mohera في الجمعة يونيو 22, 2012 7:01 am

ما شاء الله عليكم الله يحفظكم من كل شر
avatar
mohera
مشرفة
مشرفة

عدد المساهمات : 738
تاريخ التسجيل : 28/05/2012

الرجوع الى أعلى الصفحة اذهب الى الأسفل

رد: موسوعة الامثال الشعبية المغربية ...

مُساهمة من طرف لالة حــــــبي في الأحد سبتمبر 02, 2012 5:25 am

في التفكير و الرب في التدبير
الفياق بكري بذهب مشري
كون كان الخوخ كيداوي كون دوا راسو
عز الخيل مرابطها
الله ينعل الكاس البلار لي ن'رب فيه ل مرار
ضربة بدمها ولا كلما بسمها
العروسة فوق الكرسي معرفوها فين تراسي
قنطار ديال دخان ولا اقية ديال البرد
لي بغا طامو يحل بزطامو
avatar
لالة حــــــبي
مشرفة
مشرفة

عدد المساهمات : 708
تاريخ التسجيل : 22/05/2012

الرجوع الى أعلى الصفحة اذهب الى الأسفل

رد: موسوعة الامثال الشعبية المغربية ...

مُساهمة من طرف nadelina في الأحد سبتمبر 02, 2012 7:15 am

كل فولة خامجة كيجيب لها الله فروج عور .
لي خدة برى قبلتو تهرسات ركيبتو .
لي كدب على فدانو يلقاها في أجرانو .
شكيت همي لراجل مي .
لكي فالحمير والبغال تزعرط .
بشحل القوس اى مول لقوص قاله غدا تشريه بلا فلوس .
لي بغى لعسل يصبر لقريس نحل .
حلوة و جع وكلين منها و لا خرية طلياها بوحدي . lol
avatar
nadelina
عضو فضي
عضو فضي

عدد المساهمات : 202
تاريخ التسجيل : 25/05/2012

الرجوع الى أعلى الصفحة اذهب الى الأسفل

رد: موسوعة الامثال الشعبية المغربية ...

مُساهمة من طرف اسيرة غلاك في الجمعة أكتوبر 19, 2012 10:11 am

الدقة للفرطاس والشنعة لمول القرون
ملي حمات قالولها راجلك مات
باش تاكل الشوك اعمي الجمل قالهم باللسان الحلو
الا مات باك توسد الركبة والا ماتت امك توسد العتبة
البرد يعلم الخياطة والجوع يعلم السقاطه
حمو في الارحام وحنا نسجولو السلهام
حتى يزيد عاد نسموه سعيد
يا فضيلة يا بنت العم واش بيك الغيرة ولا رفوديت الهم
الشكوى لله صحيحة والشكوى للعبد فضيحة

اسيرة غلاك
عضو مشارك
عضو مشارك

عدد المساهمات : 14
تاريخ التسجيل : 18/10/2012
الموقع : منتدى بنات عايشة

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى