صابونة وماسك روعة

من طرف **رماد انثى** الإثنين يونيو 11, 2012 8:38 am

السلام عليكم
هادي واحد الصابونة كنت صاوبتها كتفتح اللون ديال البشرة وطبيعية
تاخدي صابونة ديال الكف وتحكيها في الحكاكة ديال خيزو وتديريها في كاسرولة وتزيدي عليها ماء ورد وديريها في حمام مريم حتى دوب وشدي معدنوس قطعية رقيق بزاف وزيديه على الصابونة اللي دايبة وديريه في دوك البلاستيكات ديال الثلج وديريهم في الفريكو حتى يجمدو بداي تغسلي بيها في عوض الصابون ديالك راها غزالة
وغادي تاخدي الخيار حكيه حتى هو في الحكاكة وزيدي عليه شوية ديال ماء ورد ونيدو حتى يبدا الخليط بحال ديال بغرير ودريه في هادوك البلاستيكات ديال الثلج وديريهم في الفريكو حتى هما مللي تفيقي ديري هاد الخليط ديال الخيار على وجهك انتي كتحكيه على وجهك وهو كيدوب غادي تكوني اضربت عصفورين بحجر المواد المغدية اللي في الخلطة والثلج تينشط الدورة الدموية وتيقضي على التجاعيد خلي هاد الخليط مدة ديال ربع ساعة على وجهك وغسلي بالصابونة ديال المعدنوس راها روعة